Jan klönt mit Hein in' Kellerkroog
Von Kinnertied un so.
Von Schooltied un von Ünnerich
Un sünst von son' Hallo.
Mit mol seggt Jan: Du büss doch schlau
Un weeß, wat annereen nich weet.
Ick wüss von twee Würder giern,
wo is de Ünnerscheed?
Dat eene Wurd, dat heet "umsünst",
dat annere heet "kostenlos".
Nu segg du mi denn Ünnerscheed"
Hein steiht un kickt man blooß.
Jan seggt: "Mensch Hein, wat büss du doof,
hess jo woll keen' blank'n Dunst!
Mien Ünnerrich wür "kostenlos"
Un dien, de wür "ümsünst".