Vun de dree Dörper Brest, Reith un Wohlerst is 1972 de Gemeen Brest vun mookt woorn. So üm un bi 800 Minschen wohnt in düssen Deel vun de Samtgemeen Harsefeld. De Gemeen Brest is de lüttste Gemeen op ’e Harsefelder Geest. De Böker op ’n Rothuus hebbt 799 Inwohners tohooptellt (Stichdag: 30.06.2011). De Gemeen Brest hett in ’n Ganzen 24,58 qkm.

 Deutschsprachige Fassung

Dat Wappen vun de Gemeen wiest een swatten Balken, de vun links boben noh rechts ünnen dör de Tofel löppt. Dat Wappen sülbst hett een golden Klöör. Boben rechts is op dat Wappen een gröönen Ellerntwieg opmolt. Links ünnen gifft dat twee Kleverblöö an een Stingel, elkeen Kleverblatt hett för sik veer lütte Kleverblöö.

Sünnerlich Wohlerst is all tämlich old; dat betüügt Schöören un Steen, de in een olen Backoven funden woorn sünd. All 1970 hebbt de Minschen in Wohlerst den 1000. Geburtsdag vun jüm ehr Dörp fiern kunnt. In de Gegend vun Reith gifft dat bobento ole Graffstään (Hünengräber), wo ’n an seihn kann, dat hier ook all in fröher’ Tieden Minschen leevt hebbt.

Jüst so as in Bargstedt, so is ook in Brest de Buree un Landwirtschaft de wichtigste Stütt vun dat Dörp, denn in ’e Buree arbeit’ de mehrsten Lüüd. Noch dorto kommt een poor Betriebe, de sik ook op Landwirtschaft spezialiseert hebbt. Wat de Geschichte vun ’t Landleben un vun ’e Buree angeiht, so gifft dat in Reith een Schüün (Museumsscheune), wo ole Maschinens un Warktüüg ut ’e Landwirtschaft utstellt sünd.

Noch miehr Informationen to de Gemeen Brest gifft dat in ’t Rothuus bi de „Bürgerinfo“.

Op Platt öbersett’ vun Thomas Stelljes

 Tipp: Wi Snackt Platt in der Samtgemeinde Harsefeld